Albisteak

Martxoaren 29 eta 30erako adimen lehiakorraren inguruko jardunaldiak antolatu ditu Debagoieneko Mankomunitateko Garapen Agentziak. Eta jardunaldi horietan Uxune Alustiza lankideak Emuneko zaintza sistema aurkeztuko du.

Adimen lehiakorraren helburua ingurunea, merkatua, produktu berriak eta lehiakideak ezagutzeko tresnak garatzea da, ondoren, erabaki estrategiko hobeak edota produktu berriak garatzeko.

Jardunaldiak bi zatitan banatuko dira. Lehen egunean, adimen lehiakorra berrikuntza prozesuan izango da gai nagusia eta Hispavista Labs, Emun eta Garraio eta Merkataritza Institutuko esperientziak ezagutzeaz aparte, adimen lehiakorrak berrikuntza prozesuan duen garrantziaren inguruan arituko dira. Bigarren egunean aldiz, Debagoieneko enpresen kasu praktikoak ezagutzeko aukera izango da. Zehazki, Copreci, Goizper eta ULMA Packaging enpresatako esperientzien inguruan arituko dira.

Hemen dituzue jardunaldiaren programa eta izen emateko galdetegia.

Irakurtzen jarraitu...

Morgane Lincy (Roazhon, Bretainia, 1995) kazetaritza eta bideo ikasketak egiten ari da eta zazpi hilabetez Europako hizkuntza gutxituen inguruko dokumental bat egiten dabil. Bidaia Galizian hasi zuen, hiru aste egin zituen bertan eta gero Euskal Herrira etorri zen, orain Kataluniara joana da. Friul, Kaxubi, Eskozia, Gales herrialdeetatik iragatekoa da, baita Laponiatik ere.

Euskal Herrian egon den bitartean Txerra Rodriguez emunkidearen laguntzarekin hainbat kontaktu egin ditu, besteak beste, Kike Amonarriz, Porrotx edo Hala Bedi Irratian egon da. Era berean, Emunen jarduna eta Euskara Plan bat ezagutzeko aukera ere izan du. Enrike Letona lankideak Fagor Arrasateko Euskara Planaren nondik norakoak azaldu zizkion.

Bere lana web gune honetan jarraitu daiteke eta informazio gehiago Ipar Euskal Herriko Hitzak egindako elkarrizketan aurki daiteke.

 

 

 

 

 

 

 

 

 

Irakurtzen jarraitu...

Joan zen ostiralean “Eraldaketa sozialaz zer ulertzen dugu?” saioa izan genuen Emunen. Gaia kokatzeko Gorka Espiauk hitzaldia eman zuen. Espiau momentu honetan Agirre Lehendakari Centerren, The Young Foundation-en eta CIRM-McGill Unibertsitatean dabil. Berak azaldu zigun berrikuntza sozialaren bidez gizartea nola eraldatu den eta, horretan, zein prozesu dauden hemen zein munduan zehar.

Ondoren, mahai-inguruan elkartu ziren Bagarako Arkaitz Biain, Koop57-ko eta Olatukoop-eko Liher Gonzalez, Bilgune Feministako Miren Aranguren eta Gorka Espiau bera. Bakoitzak bere esperientziatik eta ezagutzetatik Ruben Beitia emunkideak egindako galderei erantzun zien.

Saioa hau Emunen urtero egiten dugun Heziketa Kooperatiboaren lanketaren barruan kokatzen da. Plan estrategikoan zehaztu genuen modu kontziente eta proaktiboagoan lan egin nahi dugula eraldaketan eta, horretarako, gizarte eraldaketaren inguruan diskurtso eta praktika interesgarriak dituzten enpresekin edo elkarteekin elkartruke saioak egin ditugu. Lehen pausoa da eraldaketa soziala Emunen dinamiketan barrurago txertatzeko eta aurrerantzean bide honetan sakondu egingo dugu.

Irakurtzen jarraitu...

Berdintasun planean jasota daukagun bezala, emakume eta gizonen arteko aukera berdintasuna lortzeko bideak erraztuko dituzten informazio edo/eta sentsibilizazio kanpainak egingo ditugu Emunen; eta, oraingoan, Emakunderen kanpainarekin egin dugu bat.

Emakundek 2017ko martxoak 8rako prestatu duen kanpainak gure gizartean berdintasuna sustatzen duten jarrera eta ekintza pertsonalen garrantzia azpimarratzen du. Leloa da “Berdintasuna nire baitan ere hasten da” eta bere inguru hurbilenean jarrera eredugarriak dituzten hainbat pertsonen adibideak aurkezten ditu.

Irakurtzen jarraitu...

Joan zen astean Emunek bi gunetan aurkeztu zuen bere proiektua. Ostegunean, otsailak 16, KoopFabrikako partaideei eta, ostiralean, Lanki ikertegiak eta Mondragon Taldeko Otalorak elkarlanean abian jarritako Kooperatibagintzan Aditu Tituluko ikasleei.

Koopfabrika Ekonomia sozial berria eta ekintzailetasun soziala sustatzeko programa da. Programako partaideak Debagoienara etorri dira eskualdeko hainbat proiektu ezagutzeko asmoz eta horietako bat Emunena izan da. Aurkezpena Amaia Baldak, Emuneko lehendakaria, eta Amaia Etxanizek, Pertsonetako arduraduna, egin dute.

Kooperatibagintzan Aditu Tituluaren barruan Emunek, Fagor Ederlan, Copreci, LKS ingeniaritza eta Eroskirekin batera mahai inguru batean parte hartu du. Mahai inguruaren gaia parte hartzea izan da eta oraingo honetan ere, Amaia Balda, Emuneko lehendakaria izan da mahaikidea.

Irakurtzen jarraitu...

Mikel Larrañaga SD Eibarreko Presidenteordeak eta Olatz Olaso Emun Aholkularitzako zuzendari orokorrak Klubaren Euskara Plana aurkeztu dute gaur goizean. Euskararen erabileraren normalizazioa eta sustapena egiten jarraitzeko bide-orria izango da dokumentu hau.

Mikel Larrañagak joan den azaroan egin zen Batzar Nagusian hartutako konpromisoa gogoraraziz hasi du bere agerraldia. “Euskararen erabilera sendotu eta kalera ateratzeko konpromisoa hartu genuen eta lan hori aurkezteko eguna da gaurkoa. Egun handia da hizkuntza hau maite dugunontzat”.

Larrañagak bere agerraldian azaldu duen bezala, euskararen erabileraren inguruko diagnostikoa sortzea eragin duen barne gogoeta egin du Klubak. Lehen hitza euskaraz egitearen konpromisoa hartu behar da. Gu geu euskara erabiltzearen eredu izan behar gara, besteek ere berdin egin dezaten. Beste erakundeekin batera bere erabilera zaintzen badugu, oso positiboa izango da”.

Olatz Olaso Emuneko zuzendaria orokorrak, “batetik, oso garrantzitsua da Eibar bezalako Klub batek euskararen erabileraren eta normalizazioaren alorrean aurrea hartzea; bigarrenik, bide horretan aurrera jarraitzeko aukera handiak ditu; eta azkenik, euskarak eta futbolak talde bat osatzen dute orain eta biak indartuta aterako dira”.

Olasok Eibarren egoera diagnostikatzen dituzten hiru puntuak identifikatu ditu. “Batetik, Eibarrek euskararen erabileran eta normalizazioan bide handia dauka egina; bigarrenik, bide horretan jarraitzeko aukera handiak ditu; eta azkenik, bide horretan jarraitzeko interes handia dauka”.

Irakurtzen jarraitu...

Gaur, otsailak 3, ospatu da Hausnartu sarien banaketa ekitaldia Donostiako San Telmo Museoan. Soziolinguistika klusterrak antolatutako Hausnartu Sarien IX. edizioan, Txerra Rodriguez emunkidearen “Mihigintza ehuntzen Basaurin” lanak bigaren saria jaso du.

Lehenengo saria Mario Zapata soziologo eta euskara teknikariak jaso du “Migratzaileen harrera, gutxiagotutako hizkuntzen testuinguruan” eta hirugarrena, berriz, Irati Lizeaga Euskal Ikasketak hizkuntzalaritza eta Euskal Ikasketetako ikasleak “Euskara, galiziera eta Irlanderaren hiztun berrien hizkuntza-identitatea”.

Sariak Estibaliz Alkorta, Eusko Jaurlaritzako Euskara Sustatzeko zuzendariak, Mikel Irizar Gipuzkoako Foru Aldundiko Hizkuntza Berdintasunerako zuzendariak eta Miren Azkarate Donostiako Udaleko Kulturako, Euskarako eta Hezkuntzako zinegotzi ordezkariak banatu dituzte.

Zorionak denoi.

Irakurtzen jarraitu...

Emunek Arrasateko bulegoko ordenagailu eta monitoreak ordezkatu ditu eta aldatutakoak gizarte eraldaketan diharduten elkarte eta erakundeen artean banatu ditu. Hain zuzen ere, 17 monitore eta 14 ordenagailu banatu dira eta herri mugimendu batek, lau euskara elkartek, bi ikastolek eta ekonomia sozialeko hiru elkartek jaso dituzte. Egitasmoa Kontseilu Errektoreak sustatu du eta emunkideok aukera izan dugu ordenagailua nori eman proposatzeko.

Irakurtzen jarraitu...

Urtero moduan, abendu amaieran, berrikuntza proiektuetan, praktika komunitateetan eta proba pilotuetan egindako lana lankideon artean konpartitzeko jardunaldia antolatu genuen. 2016an 6 berrikuntza proiektu, 3 praktika komunitate eta 2 proba pilotu egin ditugu Emunen.

Berrikuntza proiektu horiek identifikatzeko gure bezeroen beharrak lehentasunezkoak dira. Horiek osatu eta aberasteko, zaintza teknologikoko emaitzak eta metodologia behar orokorrak gehitzen ditugu. Praktika komunitatean, berriz, urtean hiruzpalau saio egiten dira gai orokorrago baten inguruan; esate baterako, erakundeetan euskararen inguruko motibazioan eragiteari buruzkoa izan da praktika komunitate horietako bat.

Egindako lanak emunkide guztioi aurkezteko lehenengo azoka bat egin genuen eta talde bakoitzak eskuorri batean egindako lana jaso zuen. Ondoren, ordu erdiko aurkezpenak egin ziren proiektu bakoitzean landutakoa sakonago azaltzeko eta amaitzeko, talde txikietan berrikuntza proiektuen aplikagarritasunaren gainean hausnartzeko tartea hartu genuen.

Irakurtzen jarraitu...