Atzo Emuneko 40 bat teknikarik kudeaketa aurreratua zer den ikasteko aukera izan genuen. Euskalit-eko teknikari den Galder Lasuen gurera etorri zen horien ingurukoak azaltzera.

Galder Lasuen

Izan ere, kudeaketa aurreratuak honako galdera honi eman nahi dio erantzun: Zer izan behar du kontuan enpresa batek lehiakorragoa izateko? Horretarako, sei elementu hartu behar dira kontuan: estrategia, bezeroak, pertsonak, berrikuntza, gizartea eta emaitzak.

Kudeaketa aurreratuaren eredua aurkezteaz gain, ariketa bat egin genuen. Ariketa horretan kudeaketa aurreratuaren sisteman hizkuntzaren kudeaketa nola txertatu izan genuen aztergai.

Irakurtzen jarraitu...

Aurten 1000 pertsona inguruk bere kudeaketarekiko ezagutza eguneratuko dute Kudeaketa Aurreratuaren Eredu berriaren arabera, Ebaluazio Klubeko birziklatzean parte hartuz. EMUNeko zuzendaritzako kide batzuk eta hainbat prozesu arduradunek ere parte hartuko dugu ebaluatzaileen klubeko kide garen aldetik. Orain 12 urte hasi ginen Euskalitekin gai hauek lantzen eta harrez gero formazio saioak, autoebaluazioak, inguruko erakundeetako praktika onak eta kanpo kontrasteak aprobetxatu ditugu gure kudeaketan aurrera egiteko, betiere bikaintasunaren ikuspegitik.

Irakurtzen jarraitu...

Apirilaren 18an eta maiatzaren 2an Donazaharreko Lutxi borda gunean 36 pertsonak hartu dute parte Ipar Euskal Herriko barnealdean egin den lehen Telp tailerrean. Gainera, Baxenabarreko euskara elkarteen artean antolatu duten lehen ekitaldia izan da.

Arrakastatsuak izan dira saio biak. Asko ikasi dute eurek eta asko ikasi dugu Emunekook ere. Aurrerantzean lankidetza bide batzuk ireki dira eta saio gehiago izango direla dudarik ez da. Parte hartu zuten lau kideren iritziak jasotzen ditu honako bideo honek:

Irakurtzen jarraitu...

Pasa den ostiralean, apirilaren 24an, onartu zuen Tokiko Gobernu Batzarrak Donostiako Euskararen Plan Orokor berria 2015-2019 epealdirako. Planak Donostiako euskara normalizazioan aurrera egiten jarraitzeko Udalaren hizkuntza politikaren neurri proposamenak jasotzen ditu, euskararen bilakaeraren indarguneak baliatuz eta ahuleziak zuzenduz.

Azken urteetan Donostiako Udalak hirian euskararen erabilerari bultzada emateko indarrean izan dituen planei jarraitutasunez erantzuteko diseinatu da modu parte hartzaile, planifikatu, integral eta iraunkorrean eta Emunek izan du plana diseinatzeko ardura teknikoa.

Irakurtzen jarraitu...

DSC00496Galeseko iparraldetik hainbat pertsona etorri zaizkigu Emunera bisitan. Interes komunak bultzatuta, galesaren alde lanean dihardute etorritakoek. Astebeterako etorri dira hemengo enpresa eredu, kooperatiba eta hizkuntza berreskuratzeko prozesuak gertuagotik ezagutzeko.

Partaideetako batek adierazi du hizkuntza berreskuratzean euskaldunon lana eta jarrera goraipatzekoak direla. Era berean, haientzako inspirazio iturri garela ere aipatu du.

Irakurtzen jarraitu...

Emuneko aholkulari taldeak, zerbitzua eskaintzeko eta barruko kudeaketa lanerako, punta-puntako informazio eta komunikazio teknologiak erabiltzen ditu: Alfrescon dokutegia, internet bidezko hainbat kudeaketa tresna, blogak negozioen berri emateko, moodle plataforma ikastaroak online emateko, zaintzarako tresna, site-ak, etab. eta barne kudeaketarako SAP tresna beste batzuen artean. Hala ere, hori ez zen oztopo izan, 2011ko azaroan wifia itzaltzeko eta kable bidezko sare fisikoa indartzeko apustua egiteko.

Irakurtzen jarraitu...

Martxoaren 27an, Igor Ortega Lankiko ikertzailea izan genuen Emunen. Garapen planaren barruan, kooperatibagintzaren inguruko irakaspenak jaso eta hausnarketa egin genuen taldeka.

20150327_122951

 

 

 

 

 

 

 

 

 

 

 

 

 

 

 

 

LANKI Ikertegitik ondorioztatu dituzten klabe nagusiak eta etorkizuneko erronkak azaldu zizkigun Igorrek, azken hilabeteetako gertakarien ostean kooperatibagintzari zabaltzen zaizkion desafio eta erronken gaineko sintesi oso interesgarria eskainiz.

20150327_123503

 

 

 

 

 

 

 

 

 

 

 

 

Ondoren, taldeka, Emunen etorkizunerako klabe batzuen inguruan hausnartu genuen.

Oso saio aberasgarria izan zen eta hurrengo hilabeteetan lanketarekin jarraituko dugu Emunen.

Irakurtzen jarraitu...