Deialdi honen bidez, euskara planak garatzeko teknikarien eta parte hartzeko prozesuak bideratzeko teknikarien lan poltsa osatu nahi dugu. Hautaketa probak ekaineko lehenengo astean egingo dira eta hautatutakoei bakarrik deituko zaie.

Interesa duzuenok sartu curriculuma gure webguneko Lan bila? atalean, maiatzaren 17a baino lehen.

Lan poltsan sartzeko eskakizunak eta konpetentziak:

  • Lizentziatua izatea.
  • Euskara maila altua izatea (gutxienez EGA edo baliokidea).
  • Euskara planetarako: euskararen normalizazioan edota euskalgintzan esperientzia edukitzea.
  • Parte hartze prozesutarako: parte hartze prozesuetan esperientzia edukitzea.
  • Taldeen lidergoan eta proiektuen kudeaketan aritua izatea.
  • Komunikatzeko eta taldeak dinamizatzeko gaitasuna izatea.
  • B1 gidabaimena edukitzea.

Baloratuko da:

  • Hizkuntzen ezagutza (4.HE, ingelesa, frantsesa, katalana,…).
  • Parte hartze masterra edo baliokidea.
  • Emakume eta gizonen berdintasunerako masterra edo baliokidea.
  • Harremanetarako eta koordinaziorako gaitasuna.
  • Talde lanean aritzeko gaitasuna eta jarrera.
  • Hiznet eginda edo egiten egotea.
Irakurtzen jarraitu...

Emuneko Berrikuntzako teknikariak Gipuzakoa Workplace Innovation proiektuaren barruan formazioa jasotzen ari dira. Gipuzkoa Workplace Innovation proiektuaren helburu nagusia enpresa gipuzkoarren lan egiteko moduak eta testuinguruak berritzea da. Sinnergiak Social Innovationek (UPV-EHU) diseinaturiko proiektua da eta Gipuzkoako Foru Aldundiaren babesa du.

Joan zen ostegunean Sinnergiak Social Innovation, Elay eta Loire-Gestampeko kideak Emunen izan ziren. Proiektua Donostian hasi zen, hasiera edo sarrera saio batekin. Ondoren, Elay, Emun eta Loire enpresetan izan dira hurrenez hurren formazioa jasotzen. Esan bezala, pasa den ostegunean Emunen izan ziren eta datorren ostegunean Hernanira joango dira Loire-Gestampera. Enpresetan egiten ari diren saioak bukatuta, Europa mailako berrikuntza praktika batzuk ezagutuko dituzte Donostian eta ekainaren 13an proiektu-formazio berritzaile hau bukatuko da.

GWI1

Irakurtzen jarraitu...

Geu Elkartearekin eta Oihanederrekin elkarlanean Non jarri behar dugu arreta euskaraz gehiago egin ahal izateko? saioa antolatu dugu. Hitzordua maiatzaren 5ean (osteguna) izango da 19:00etan, Oihaneder Euskararen Etxean.

AinhoaLasa_EmunEMUN Aholkularitzak ibilbide luzea du hizkuntza portaera aldaketetan eragiten duten faktoreak aztertzen. Horren emaitza da Durangoko azokan aurkeztu genuen “Irten hizkuntzaren armairutik ” liburua.

Baldin badakigu egoera jakin batzuetan zergatik erabiltzen dugun euskara edo gaztelania, zein mekanismo jartzen diren abian, orduan hurbilxeago izango dugu euskarara aldatzeko aukera erreala. Saio honetan Emuneko Ainhoa Lasarekin mekanismo horiez hitz egiteko eta gure esperientzia eta zalantzak konpartitzeko aukera egongo da.

Irakurtzen jarraitu...

Euskarak zelan lagundu dezake gaur egun, hemen, bizikidetza indartzen?Euskara hizkuntza eta sektore ezberdinen arteko zubi izan daiteke? Galdera hori ardatz hartuta,   ariketa sozial bat antolatzen gabiltza sektore ezberdinetako hainbat eragile. Emunek, beste eragile askorekin batera,  antolaketarako talde eragilean parte hartzen du.

Eragileen artean denetarik dago, hona hemen zerrenda luzea:   Unesco EtxeaEuskadiko Gazteriaren Kontseilua, Euskaltzaindia, Eusko Jaurlaritzako Enplegu eta Gizarte Politiketako Saila, Mintzanet, Garabide, Euskaltzaleen Topagunea, Kontseilua, AEK, Seaska, Emigrados sin fronteras, Elhuyar, Emun, Banaiz Bagara, Joxemi Zumalabe fundazioaAztiker, UEMA, Soziolinguistika Klusterra, Hobest Consultores, Kutxa Fundazioa, Kutxa Ekogunea, Laboral Kutxa, Eusko Ikaskuntza, UPV/EHU, Bergarako Udala, Gune Irekiaren Lagunak.

zubideiak1

Baina, zer aterako da elkarrizketa edo ariketa sozial honetatik? Euskara-bizikidetza harremanaren agenda berritu bat, hau da, euskara eta bizikidetzaren arteko harremanari buruzko lagin bat. Elkarrizketa edo ariketa sozial honek bi ezaugarri izango ditu: alde batetik, parte hartzaileen izaera anitza; eta beste alde batetik, elkarrizketa beraren modua, modu irekia.

Ekitaldia maiatzaren 7an egingo da Leioan, xehetasun guztiak hemen.

Irakurtzen jarraitu...

‘Zer egin dezakegu desberdin eraginkorrago izateko?’ galderari erantzun nahi dion 2015-2019 Plan Estrategikoa aurkeztu zuen joan zen ostiralean Gipuzkoako Foru Aldundiak, hizkuntzen alorrean ere ezberdintasun ahalik eta txikienak izateko.

Hizkuntza Berdintasuna aurkezpenaDokumentua Donostian aurkeztu zuten Markel Olanok eta Hizkuntza Berdintasuneko zuzendari nagusia den Mikel Irizarrek. Planarekin batera, Zer egin behar dugu ezberdin eraginkorrago izateko? parte hartze prozesua ere aurkeztu zuten. Prozesua lurraldeko gizarte eragileekin, GFAko Herritarren partaidetzarako zuzendaritzak gidatu du eta EMUNek laguntza emango du. Egitasmoa aste honetan jarri da martxan eta bertan adosten diren ondorioek Hizkuntza Berdintasuneko Plan Estrategikoaren aurrekontuan izango dute eragina.

Irakurtzen jarraitu...

Hitzargiak, Elkar argitzen duten hizkuntzak Europan hizkuntza gutxituak biziberritzeko lanean diharduten askotariko egitasmoak biltzeko proiektua da. Soziolinguistika Klusterrak eta Donostia 2016 Fundazioak jarri dute martxan egitasmoa eta Emun lantalde teknikoko partaide da.

hitzargiak_mapa

Martxoan Hitzargiak web gunea jaio zen, horren bidez hizkuntzak biziberritzeko jardunbide horien berri emango da. Helburua hizkuntza horien arteko sareak sortzea, egonkortzea eta etorkizunerako elkartasun-modu sendoak lortzea da.

Proiektuak bigarren fase bat ere izango du, Hitzargiak Donostia 2016ko egitarauaren barnean kokatzen da eta ekainaren 23a eta 24an Donostian Hitzargiak topaketa egingo da.

Irakurtzen jarraitu...

Badira urte batzuk Emunen Heziketa Kooperatiboa lantzen hasi ginenetik, 2016an erantzunkidetasunaren gaia izan dugu hizpide. Pasa den ostiralean egin genuen erantzunkidetasunaren kontzeptuan sakontzeko eta horren inguruko hausnarketa egiteko saioa.

Erantzunkidetasunaren kontakizuna Lankiko Aitzol Loiolak egin zuen eta berak ezagutu dituen beste esperientzia batzuen berri eman zigun. Ondoren, taldeka elkartu ginen erantzunkidetasunaren kontzeptuari ematen diogun esanahia partekatzeko, Emunen bizi dugun testuinguruan kokatzeko, eta horrela Emunen kulturan txertatzeko oinarri batzuk jartzeko, hainbat jokabide eta portaera gako identifikatuz.

User comments

Irakurtzen jarraitu...

Berdintasun planean jasota daukagun bezala, emakume eta gizonen arteko aukera berdintasuna lortzeko bideak erraztuko dituzten informazio edo/eta sentsibilizazio kanpainak egingo ditugu Emunen; eta, oraingoan, Emakunderen kanpainarekin egin dugu bat.

Aurtengo Martxoaren 8rako, Emakumeen Nazioarteko Egunerako, Emakundek arreta jarri du neskek eta mutilek egunero jasotzen dituzten mezu sexistetan, generoen arteko botere-harremanak bere horretan betikotzen dituztelako. Kanpainaren leloa honakoa da: «Berdintasun eza ez da berez sortzen, egin egiten dugu. Aldatu dezagun. Egin dezagun berdintasuna». Kanpainak salatzen du neskek, besteak beste, edertasunari, ontasunari, diskrezioari, zaintzari eta otzantasunari buruzko mezuak jasotzen dituztela, eta mutilek, berriz, agresibitateari, arrakastari, anbizioari edo sentimenduak ukatzeari buruzkoak.

Informazio guztia Emakunde aldizkarian eta Irekian.

Irakurtzen jarraitu...

Emakundeko zuzendariak, Izaskun Landaidak, Emakume eta Gizonen Berdintasunerako Lankidetza Erakunde izendatzen duen bereizgarria eman zion atzo Emuni. Ziurtagiri hau euren erakundeetan emakume eta gizonen berdintasunarekin konpromisoa hartzen duten 73 entitatek jaso zuten.

2016_02_24_reconocimientos_igualdad_04

Ziurtagiria lortzeko kontuan hartu dira lan-baldintzetan emakumeen eta gizonen arteko tratu-berdintasuna bermatzeko jarduerak, eta enpleguarena kalitateari dagozkionak; eta baita kanpora begira egindako jarduerak ere.

Emakume eta Gizonen Berdintasunerako Lankidetza Erakunde izateko beharrezkoa da enpresa barruan emakume eta gizonen egoera aztertzen duen diagnostikoa egitea, lehenik eta behin, eta, ondoren, ekintza positiborako plan bat diseinatu eta aurrera eramateko konpromisoa hartzea. Ekintza positiborako plan honek zenbait helburu bete behar ditu, besteak beste, aukera berdintasunen aldeko politika bultzatzea langileak kontratatu, sustatu eta trebatzeko orduan; zuzendaritzako langileak eta langileen kontratatze lanak burutzen dituztenak aukera berdintasunean trebatzea; kontratazio, aukeraketa eta trebakuntza prozesuak aldian-aldian gainbegiratzea, hartu diren neurriak aplikatzen diren baieztatzeko; malgutasun bideak eskaintzea familia mailako ardurak dituzten langileei; eta emakume eta gizonen arteko aukera berdintasuna lortzeko bideak erraztuko dituzten informazio eta/edo sentsibilizazio kanpainak egitea.

Irakurtzen jarraitu...