Albisteak

Pasa den ekainaren 8an eta 15ean Kudeaketa Planei buruzko ikastaroa eman zien Emunek Nafarroako 15 euskara teknikari ingururi.

Ikastaroak alderdi teorikoa eta praktikoa uztartu zituen, azalpen teoriko bakoitzaren ostean etorri baitziren kontzeptu horiek lantzeko praktikak eta ariketak. Landu ziren edukiak, besteak beste, honako hauek izan ziren: plangintzan, epe luzeko helburuetatik epe laburreko emaitzetara; zaintza sistema eta adimen lehiakorra; ebaluaziorako metodologiak; Astigarragako Udaleko esperientzia; Eibarreko Plan Estrategikoa definitzeko prozesua; eta, proiektu elkartuen metodologia Gipuzkoako “Udalekin” sarearen baitan.

Saioan landuriko edukiak teknikarientzat eskuragarri jarri ziren, bakarka ala taldeka landu, eta erreminta propioak gara ditzaten.

Irakurtzen jarraitu...
Pasa den ostiralean, Iñaki Marko EHUko irakaslea eta Txerra Rodriguez emunkidea Arrasateko Garaian egon ziren formazio saioa eskaintzen. Lan mundua euskalduntzearen inguruan aritu ziren biak ala biak, Iñaki marko historikoa ezartzen eta Txerra aurrera begirakoak aletzen.
Horren harira, Iñaki Markok egindako denbora-lerroa aurkeztu nahi dizugu. Denbora-lerro horretan lan mundua euskalduntzearen inguruko mugarriak ezarri ditu, epekatu eta epealdi bakoitzean ekintza nagusiak, mugarri nagusiak, erreferente teorikoak eta argitalpenak aipatu ditu Iñakik:
Irakurtzen jarraitu...

Emunek, Kutxa Ekogunearekin batera, udako ikastaroa antolatu du UEUko ikastaroen artean.

Haur eta gazteek euskaraz bizitzeko aukera eta erabakia hartu dezaten nahi dugu eta horretarako, guraso, irakasle eta hezitzaileek izan ditzakegun interbentzio bide eraginkorrak identifikatuko ditugu.

Hizkuntza praktika ekologikoak identifikatzeko gutako bakoitzaren motibazio eta portaerak aztertzetik abiatuko gara eta begirada ekologikoa abiapuntutzat hartuta, haurren hizkuntzen jabekuntza eta sozializazioan jarriko dugu arreta.

Irakasleak izango dira Ainhoa Lasa (Emun aholkulariak) eta Itsaso Olaizola (Kutxa Ekogunea).

Ikastaroa uztailaren 4an eta 5an izango da Baionan. Informazio gehiago UEUko webgunean duzue ikusgai.

Izena eman

Irakurtzen jarraitu...

Joan zen ostiralean aurrekontu parte hartzaileei buruzko saio bat eman zuen Emunek Iruñean. Saioa Nafarroako Gobernuak, Nafarroako Udal eta Kontzejuen Federazioarekin batera antolatu zuen. Saioan hamabost udalerritako udal ordezkari eta teknikariek parte hartu zuten.

Parte hartzaile gehienak hasita daude aurrekontu parte hartzaileen lanketarekin eta saio honen helburua gaian sakontzea izan zen. Lehenengo, aurrekontu parte hartzaileei buruzko kokapen teorikoa egin zen, ondoren munduko zenbait kasu aurkeztu eta amaitzeko, Nafarroako kasuak aztertu ziren, bakoitzak bere esperientziak besteekin partekatuz. Era berean, tarte bat eskaini zitzaion etorkizuneko beharrak identifikatzeari.

Saio Emuneko Denis Elortzak, Iñaki Ugaldek, Mikeldi Zeberiok eta Olatz Irizarrek eman zuten.

Irakurtzen jarraitu...

Emun KORRIKAn

Asteartea, 2017eko apirilaren 11a

Korrika 20 Arrasatetik pasa zen larunbat goizean eta Emunek kilometroa emozioz gainezka hartu zuen Zarugalden. Lekukoa Emuneko sortzaile den Gatxik eraman zuen.

Arrasatearrak kalera irten ziren, eguraldi onak lagunduta, Korrikaren festan parte hartzeko. Ezin dugu hitzez azaldu lekukoa hartzearen zirrara, eguneroko lanaren emaitza ikusarazten duen momentua!

Irakurtzen jarraitu...

Martxoaren 29 eta 30erako adimen lehiakorraren inguruko jardunaldiak antolatu ditu Debagoieneko Mankomunitateko Garapen Agentziak. Eta jardunaldi horietan Uxune Alustiza lankideak Emuneko zaintza sistema aurkeztuko du.

Adimen lehiakorraren helburua ingurunea, merkatua, produktu berriak eta lehiakideak ezagutzeko tresnak garatzea da, ondoren, erabaki estrategiko hobeak edota produktu berriak garatzeko.

Jardunaldiak bi zatitan banatuko dira. Lehen egunean, adimen lehiakorra berrikuntza prozesuan izango da gai nagusia eta Hispavista Labs, Emun eta Garraio eta Merkataritza Institutuko esperientziak ezagutzeaz aparte, adimen lehiakorrak berrikuntza prozesuan duen garrantziaren inguruan arituko dira. Bigarren egunean aldiz, Debagoieneko enpresen kasu praktikoak ezagutzeko aukera izango da. Zehazki, Copreci, Goizper eta ULMA Packaging enpresatako esperientzien inguruan arituko dira.

Hemen dituzue jardunaldiaren programa eta izen emateko galdetegia.

Irakurtzen jarraitu...

Morgane Lincy (Roazhon, Bretainia, 1995) kazetaritza eta bideo ikasketak egiten ari da eta zazpi hilabetez Europako hizkuntza gutxituen inguruko dokumental bat egiten dabil. Bidaia Galizian hasi zuen, hiru aste egin zituen bertan eta gero Euskal Herrira etorri zen, orain Kataluniara joana da. Friul, Kaxubi, Eskozia, Gales herrialdeetatik iragatekoa da, baita Laponiatik ere.

Euskal Herrian egon den bitartean Txerra Rodriguez emunkidearen laguntzarekin hainbat kontaktu egin ditu, besteak beste, Kike Amonarriz, Porrotx edo Hala Bedi Irratian egon da. Era berean, Emunen jarduna eta Euskara Plan bat ezagutzeko aukera ere izan du. Enrike Letona lankideak Fagor Arrasateko Euskara Planaren nondik norakoak azaldu zizkion.

Bere lana web gune honetan jarraitu daiteke eta informazio gehiago Ipar Euskal Herriko Hitzak egindako elkarrizketan aurki daiteke.

 

 

 

 

 

 

 

 

 

Irakurtzen jarraitu...

Joan zen ostiralean “Eraldaketa sozialaz zer ulertzen dugu?” saioa izan genuen Emunen. Gaia kokatzeko Gorka Espiauk hitzaldia eman zuen. Espiau momentu honetan Agirre Lehendakari Centerren, The Young Foundation-en eta CIRM-McGill Unibertsitatean dabil. Berak azaldu zigun berrikuntza sozialaren bidez gizartea nola eraldatu den eta, horretan, zein prozesu dauden hemen zein munduan zehar.

Ondoren, mahai-inguruan elkartu ziren Bagarako Arkaitz Biain, Koop57-ko eta Olatukoop-eko Liher Gonzalez, Bilgune Feministako Miren Aranguren eta Gorka Espiau bera. Bakoitzak bere esperientziatik eta ezagutzetatik Ruben Beitia emunkideak egindako galderei erantzun zien.

Saioa hau Emunen urtero egiten dugun Heziketa Kooperatiboaren lanketaren barruan kokatzen da. Plan estrategikoan zehaztu genuen modu kontziente eta proaktiboagoan lan egin nahi dugula eraldaketan eta, horretarako, gizarte eraldaketaren inguruan diskurtso eta praktika interesgarriak dituzten enpresekin edo elkarteekin elkartruke saioak egin ditugu. Lehen pausoa da eraldaketa soziala Emunen dinamiketan barrurago txertatzeko eta aurrerantzean bide honetan sakondu egingo dugu.

Irakurtzen jarraitu...

Berdintasun planean jasota daukagun bezala, emakume eta gizonen arteko aukera berdintasuna lortzeko bideak erraztuko dituzten informazio edo/eta sentsibilizazio kanpainak egingo ditugu Emunen; eta, oraingoan, Emakunderen kanpainarekin egin dugu bat.

Emakundek 2017ko martxoak 8rako prestatu duen kanpainak gure gizartean berdintasuna sustatzen duten jarrera eta ekintza pertsonalen garrantzia azpimarratzen du. Leloa da “Berdintasuna nire baitan ere hasten da” eta bere inguru hurbilenean jarrera eredugarriak dituzten hainbat pertsonen adibideak aurkezten ditu.

Irakurtzen jarraitu...