Emunkideei lana errazteko martxan jarri ditugun IKT baliabideak

Asteazkena, 2018ko maiatzaren 9a

Emuneko aholkulariok zerbitzua ematerako orduan ditugun ezaugarriak eta beharrak kontuan hartuta, 2013-2016ko plan estrategikoan, pertsonak, gailuak eta lainoa jarri genituen erdigunean, eta ondorioz, erabaki genuen gure etorkizuneko soluzioek 3 baldintza hauek bete beharko zituztela:

  • Mugikortasuna erraztea
  • Nonahikotasuna hobetzea
  • Lainoko aplikazioak lehenestea

Ondorioz, data hartatik aurrera, gure soluzio berri nagusiak helburu hauek lortzera bideratu ditugu. Bide horretan, adibidez, Alfresco erabiltzen dugu, sofware librean garatutako dokumentu kudeatzailea, Inguma, zaintza teknologikoa egiteko on-line plataforma,  imahaigaina – gure mahai gain birtual segurua, intraneta, gure zerbitzua egoki emateko baliabideak eta informazioa eskuragarri jarriz eta lainoko  hainbat aplikazio (infografiak egiteko, bideo ediziorako, aurkezpenetarako, …) eskuragarri pasahitz bakarrarekin gure ezagutza elkar trukatu ahal izateko.

Etorkizuneko lan ildoak ere bide beretik egiteko gogotsu gaude, beti ere Emuneko DNAren ezaugarriak zainduz: euskara, edukiak partekatzeko aukera, komunitatea, pertsonalizatzeko aukera erabilterraza bilakatuz…

Erantzun