• EMUN
  • Bloga
  • 2022 urteko Emunen memoria sarean
2023-04-04 / BLOGA

2022 urteari errepasoa egiten dion dokumentu mardul hau eskuan dugula, irribarrea atera zaigu ahoan bioi.

Emozio ugari bildu diren urtea izan da guretzat: 25. urteurrena. Hartu dugu tartea 25 urte horien ibilbideari erreparatzeko eta bide hori ospatzeko, eta merezi izan du. Ospakizunetan ez ezik, eraldaketari patxadaz begira ere jardun dugu Eraldaketan jardunaldiei esker, eta koadernoetako lehen orrietan gorde ditugu han entzun eta ikasitakoak. Zalantzaz beteta proposatutako jardunaldi batzuek zalantzari berari egin nahi izan zioten lekua: ezagutzen ez dugun horri begiratu nahi izan diogu, hura balioan jarri, eta elkarrekin bide berrietan abiatu.

Eta urtearen errepaso hau testigu egokia iruditzen zaigu ohartzeko, geure neurrian bada ere, heldu diogula mandatuari. Entzun genuen, edozein aldaketa egitean, aurretikoen % 80k beren horretan jarraitu behar dutela eta komeni diren gainerako % 20ak aldatu behar direla. 2022an, nola Emun barnean gure antolatzeko moduetan, hala bezeroekin aurrera eramandako eraldaketa prozesuetan, uste dugu erregela horri segika jardun dugula.

Zalantzari eta ezezagunari lekua egiten ari gara, bai Emun bera bai bezeroen etxeetako eraldaketa prozesuak eszenatoki berrietara eraman nahian, betiere, honaino ekarri gaituen guztia balioan jarrita.

Gustatu zaigu urteko errepasoak lehen lerrora ekarri dituen gure bezeroen proiektuei distantziatik begiratzea. Badakigu ez direla denak ageri, baina agertzen diren denak izan dira. Pozgarria iruditzen zaigu ikustea lan mundua euskalduntzen abangoardia izan zirenak abangoardia izaten jarraitzen dutela bestelako gai sozial batzuei lekua egiten ere. Eta berdin, bestelako gai sozial batzuetan dihardutenek euskaraz egin nahi dutela bide hori. Horregatik, eskerrak eman nahi dizkizuegu zubi horiek eraikitzeko aukera eskaini diguzuen bezero eta bidelagun guztioi.

 

MEMORIA OSORIK KONTSULTATZEKO: 

 

Amaia Balda Etxarte eta Kristina Pavo Nuñez

Koordinatzaile orokorra eta Lehendakaria

andoain

[Mapa]Martin Ugalde Kultur Parkea
Gudarien etorbidea, 8.
20.140 Andoain
Tel.: 943 300 978emun@emun.eus

berriozar

[Mapa]Gipuzkoako etorbidea 36, behea
31013 Berriozar
Tel.: 948 803 643Tel.: 943 793 426emun@emun.eus

bilbo

[Mapa]Euskararen Etxea
Agoitz plaza 1
48015 Bilbo (Bizkaia)
Tel.: 943 711 847Tel.: 943 793 426emun@emun.eus